Web oficial da Asociación Salvemos o Val de Barcia e o Monte Xalo
Queremos desmentir un bulo que chegou aos nosos oídos e que nos doe profundamente.
Ao parecer andan a dicir que a Asociación cobra 30€ por facer a alegación contra o PE Seixo nas charlas que levamos facendo por distintas parroquias as últimas duas semanas.
Aclarar que a Asociación non cobra absolutamente nada a ninguen nin por facer a alegación, nin por informarse, nin por consultar connosco calquera dúbida que poidan ter.
O que se queira facer socio da Asociación para apoiarnos, pode facelo libremente e aquel que non se queira asociar vámolo informar ou axudar igualmente.
Somos un grupo de veciños afectados que voluntariamente traballamos duro para defender as nosas propiedades e as de todos os veciños e veciñas que tamén queiran facelo, quitando o tempo das nosas propias vidas por algo que pensamos debemos defender, que é o continuar vivindo tranquilos no rural e preservalo para que as xeracións futuras poidan facelo tamén.
INSCRICIÓNS PECHADAS
A Asociación ten programada una andaina o próximo sábado 5 de Xullo para coñecer a zona onde está previsto construir a balsa superior do proxecto do embalse reversible.
Será un traxecto lineal duns 4,5km durante o cal poderemos ver as marabillas da zona coma o nacenento do Anllons, o Rego do Biduido, a Pedra de Santa Marta, os petroglifos do Altariño ou o recentemente descuberto Menhir Caroliño.
Para preservar a fauna e flora local ás prazas serán limitadas a un máximo de 30 personas. Podes inscribirte e ver as bases de participación na andaina lendo o código QR do cartel ou no enlace
CHARLAS INFORMATIVAS PE SEIXO
Achégate a calquera das charlas que Temos programadas para a próxima semana para informarte sobre o Parque Eólico Seixo, que foi publicado no BOE o 19 de xuño e afectanos aos veciños de Carral, Abegondo, Cerceda e Laracha.
Ademáis de intentar resolver as túas dúbidas tamén poderás asinar as alegacións ao proxecto, gracias, coma sempre, a inestimable axuda e ao gran traballo da Asociación Petón do Lobo.
NOVA AMEAZA SOBRE O VAL DE BARCIA
Case catro anos despois e aínda sen resolver o recurso contra o PE As Encrobas, volven a atacar ao rural.
Un novo PE, O Seixo, cunha poligonal descomunal ameaza a vida dos veciños de Carral, Cerceda, Abegondo e Laracha.
Catro anos despois estamos mais preparados e seguimos con forzas para loitar e defender o noso territorio.
Estamos preparando charlas informativas e alegacións para frear este novo proxecto.
Artigo da nosa Asociación publicado na Voz de Galicia ao carón dun artigo da Patronal Eólica.
A nova completa a tendes no seguinte enlace:
Artigo Asociación
Grazas ó interese por escoitar os contos dos nosos maiores, os auténticos gardiáns da sabiduría da terra, o noso compañeiro Alexandre Castro Bello , guiado polas indicacións do seu avó, ven de atopar un estupendo grabado rupestre formado por un conxunto de coviñas e unha cruz de termo. Está situado no monte do Xalo, xusto nos antigos límites entre as parroquias de Quembre e Paleo.
É un achado moi importante, xa é o cuarto localizado dentro dos límites da poligonal do parque eólico que nos afecta.
Pouco a pouco imos dotando ó noso territorio dunha enorme cantidade de argumentos, tanto ambientais como culturais, para que sexa recoñecido o valor que nós pensamos que tanto merece. Parabéns para o compañeiro Xandre e ó seu avó pola descoberta!!
Queremos comunicarvos que o 13-09, a nome da asociación, foi recibido o auto polo cal o TSXG desestima o recurso interposto pola Xunta de Galicia en contra da paralización cautelar do P.E Encrobas.As razóns principais desta decisión baséanse no valor e o bo criterio dos diferentes informes aportados pola nosa asociación e que demostran que a realización do proxecto eólico suporía un dano ambiental irreversible na contorna.Sendo moi prudentes, e ante a falta de poder acabar de interpretar os máis pequenos detalles do auto, podemos considerar esta resolución cómo unha grande victoria nos tribunais, e aínda que non supoña polo momento unha paralización definitiva do proxecto, sí que nos achega moi preto do noso obxectivo.Dende a directiva queremos destacar o grandísimo traballo realizado polos compañeiros dos diferentes grupos de traballo, que con moito esforzo e un compromiso inquebrantable conseguiron recursos para que poidamos plantar cara a un xigante como Naturgy e á propia Xunta. Grazas tamén a todo o colectivo, a tódolos socios, polo apoio e a confianza posta nas persoas que imos tomando as decisións, ós que cómo lle pode pasar a calquera, ás veces cometemos erros e outras temos acertos, máis o verdadeiro acerto foi xuntarnos todos e facer ver que xuntos somos fortes e podemos defendernos. Así Non van vir.
As Asociacións ambientais de Carral, Salvemos o Val de Barcia e o Monte Xalo e Brexa Custodia do Territorio, en colaboración co Concello de Carral, organizaron unha andaina para conmemorar e festexar o día do medioambiente.
Este domingo 2 de xuño as Asociacións ambientais de Carral, Salvemos o Val
de Barcia e o Monte Xalo e Brexa Custodia do Territorio, en colaboración co
Concello de Carral, organizaron unha andaina para conmemorar e festexar o día
do medioambiente na que participaron 50 persoas.
A ruta iniciouse nos Muíños do Batán onde os guías falaron da importancia
do patrimonio e a flora e fauna protexidas da zona altamente afectados polo
proxecto para a construción do parque eólico de As Encrobas. Ao mesmo tempo que
se reivindicaron os valores naturais e as especies que compoñen o Enil do Río
Abelleira se propuxo a posibilidade de iniciar unha nova figura de protección
en Carral para o Alto Barcés debido tamén ós seus altos valores naturais e á
biodiversidade da zona.
 |
CONMEMORA O DÍA DO MEDIOAMBIENTE
Carral conmemorará o Día do Medioambiente cunha ruta de sendeirismo polos Muíños de Batán. A actividade, organizada polas asociacións Salvemos o Val de Barcia e o Monte Xalo e Brexa Custodia do Territorio en colaboración co Concello, terá lugar o vindeiro 2 de xuño.
A ruta planificada é lineal, sairemos dende os Muíños da Costa da Égoa ata a cápela de San Pedro de Rubieiro (uns 3,45 km aprox). Cada participante levará unha bolsa de lixo para ir recollendo os residuos que encontremos para concienciar sobre manteros limpos os nosos montes.
Son prazas limitadas. Para inscribirse hay que chear o formulario da seguinte ligazón FORMULARIO ANDAINA ou acceder a través do QR da imaxe.
A Asociación Salvemos o Val de Barcia e
o Monte Xalo busca protexer e promover o entorno, patrimonio e biodiversidade da zona
(PREME NO ENLACE 👆 PARA LER A NOVA)
PARALIZACIÓN CAUTELAR DO PE MEIRAMA
Temos unha moi boa nova que compartir e é que o TSXG por fin comunicou a paralización cautelar do PE Meirama. Llevábamos agardando está nova xa moito tempo, e non é para menos, frear este parque é crucial para a contorna dos Concellos afectados e o Monte Xalo. Osto danos todavía mais forzas para seguir loitando e demostrar unha vez mais que a veciñanza podemos frear estes macroproxectos. 💪💪
AXUDEMOS A FREAR O PROXECTO DE ALTRI
AXUDEMOS A PRESERVAR O MEDIOAMBIENTE
Alegacións dispoñibles premendo AQUI
.jpg)
Isto non se pode permitir, gracias á denuncia presentada polo Sindicato Labrego Galego estase a investigar a corrupción que hai detrás dos proxectos eólicos en Galicia.
NON SEREMOS TERRA DE SACRIFICIO
Preme AQUÍ para ler a nova completa
Suscribirse a:
Entradas (Atom)